1925 чылдың август 31-де үнүп эгелээн

БАШКЫЛАР ДАРГАННААР ӨРГЭЭ

Кызылдың Күрүнениң педагогика институду (ККПИ) тургустунганындан бээр 60 чыл оюн бо чылын демдеглеп турар.  Тывага баштайгы дээди өөредилге чериниң төөгүзү 1956 чылда эгелээн. Башкы болур күзелин чедип алыр дээн аныяк­тарны институттуң филология болгаш физика-математика факультеттеринге өөредип турган. Дараазында чылдарда өөредилгениң педагогиказы болгаш методиказы (1959 чылда), биология-химия (1963) факультеттери немешкен.

Институттуң баштайгы ректорлары филология эртем­нериниң доктору А.Ч. Кунаа, РСФСР-ниң школазының алдар­лыг башкызы, педагогика эртемнериниң кандидады, доцент Х.С. Алдын-оол дээди педагогика өөредилгезиниң сайзыралынга болгаш тургустунарынга төлептиг үлүүн киириштирген. 

Ол чылдарда педагогика институду езулуг-ла башкылар дарганнаар өөредилге чери болган. Институтту чүгле ажы-төлдү эртемнерниң үндезини-биле чепсеглээр башкылар эвес, келир үеде бүгү республиканың кожуун, хоорайларының албан черлериниң удуртукчулары, улуг ажылдакчылары болур кижилер доозуп үнүп турган деп болур. Ооң доозукчуларындан республиканың, харын-даа чурттуң өөредилге адырында төлептиг ажылдап чоруурлары хөй. Оларның аразындан башкы ажылының тергииннери, билдингир ажылдакчылар П.А. Морозов, Н.С. Конгар, А.В. Безъязыков, В.Ө. Домур-оол, Н.С. Германова, Л.А. Огнева, Г.М. Селиверстова дээш оон-даа өскелерни адап болур.
1994 чылда институттуң төө­гүзүнге улуг өскерлиишкин болган. ККПИ-ни болгаш­ Крас­ноярскиниң дээди өөредилге черлериниң салбырлары политехниктиг институт биле агроуниверситетти чаңгыс өөредилге чери Тываның күрүне университеди кылдыр каттыштырган.
Уланчызын 2016 чылдың ноябрь 17-де үнген №133 "Шын" солундан номчуңар.
Алдынай СОЯН.
Авторнуң тырттырган чуруу.

 

Санал-онал немээри

Image CAPTCHA
Enter the characters shown in the image.