1925 чылдың август 31-де үнүп эгелээн

САГЫШ-СЕТКИЛ АРЫГЛААШКЫНЫ

Тыва Республиканың Камбы-Лама эргелелиниң башкылары Россияның Кеземче күүселдезин чорудар федералдыг албанының ТР-де эргелелиниң 2 дугаар эдип-чазаар эмнелге албан черинге чедип, Шагаа бүдүүзүнде шииттиргеннер-биле ужуражып, байырлалдың ужур-утказының база сагыш-сеткил арыглаашкынының дугайында чугааны кылган.

Даштын агаарның соогу -47 градус чедип-даа турган болза, саң салыр езулалга шииттиргеннер күзелдии-биле киришкен. Олар оран-таңдызынга чалбарып, ооң ээзинге өргүл кылып, аъш-чем дээжизин отче салып турган. Улаштыр эдип-чазаар эмнелге албан чериниң хүрээзинге Кежик Башкы улуг судурларны номчаан.

Номналдар үезинде эки чалбарып, сүзүглээрин, эрги чыл-биле катай кылып каан нүгүл, угаанның хир-чамы, мугулай чорук, кылдынган шаптараазыннар шупту арлып чоруй барзын, Чаа Чылче арыг чаагай кирейн деп чалбарыгларны салып, сүзүглээрин ламалар чагаан.

Сагыш-сеткил арыглаашкынының соонда, шииттиргеннер хүреш маргылдаазынга, национал оюннар – тевек теверинге, кажыктаарынга, аът шалбадаарынга, шой көдүреринге күжүн шенешкеннер.

Валентин  КУПРИЯШКИН.

Рубрика: 

Санал-онал немээри

CAPTCHA на основе изображений
Чурукта айыттынган демдектерни киириңер.