1925 чылдың август 31-де үнүп эгелээн

СОЛДАТ КАДЫК — АРБАТ ШӨЛYНДЕ

Май 9-та найысылалдың төп кезээнде Арбат шөлүнге ТР-ниң Өг-бүле болгаш уруг­лар херектериниң талазы-биле агентилели биле Кызылдың Өг-бүле болгаш ие-чашка дуза чедирер төвү демнежип, көжүп чоруур кухняны организастаан.

Чылда чүгле Тиилелге хүнүнде республиканың чурттакчы чону дайын үезиниң амданныг гречка биле эът холаан база арбай каржаңындан кадыктарын узун оочурну оочурлааш, албан-биле чии­ри чаңчыл болу берген. Солдат кадыкты аныяк-өскен аажок­ сонуургаан. Ол хүн кижи бүрүзү фронтучу солдат кырган-авалар, кырган-ачаларывыска чоок болуп турганывыстың демдээ-дир.

Ада-чурттуң Улуг дайынының хоочуннары ол үениң кадыын аажок амданныг, тодуг турган болгаш оларга дайзыннар-биле коргуш-сыныш чок тулчур күштү берип турганын чылыы-биле сактып чугаалаар. Мен база хоочуннарның сөстеринге катчып, солдат кадыкты амзап, ооң чаагайын магададым.

Ол-ла хүн ТР-ниң Күш-ажыл болгаш социал политика яамызы “Алдын-Доос” ресторанынче 140 дайын хоочуннарын байырлыг шайлаашкынче чалаан. Тываның Баштыңы Шолбан Кара-оол оларга байыр чедирип, чылыг-чаагай күзээшкиннерни чугаалаан.

Шончалай  ХОВАЛЫГ.

Авторнуң  тырттырган  чуруу.

 

Санал-онал немээри

Image CAPTCHA
Enter the characters shown in the image.