1925 чылдың август 31-де үнүп эгелээн

ЭЭЛЧЕГДЕ 2500 ӨГ-БҮЛЕ

«Экии! Мен инвалид уругнуң иези мен. Бистиң өг-бүлевис чурттаар оран-сава ап болур чиигелделиг хамаатылар бөлүүнге хамааржыр дээрзин дыңнадым. Мону билип алырда кайнаар чедерил база кандыг документилер херек ирги?»

Анна ТҮЛҮШ.

Кызыл хоорай. 

Номчукчунуң салган айтырыынга Кызылдың мэриязының экономика, эт-хөреңги талазы-биле болгаш сан-хөө хыналдазының департаментизиниң муниципалдыг оран-сава фондузунуң санаашкын болгаш хуваалда салбырының даргазының оралакчызы Римма Кочаганың тайылбыры:
— Кызылда өске-даа муниципалдыг тургузугларда ышкаш, чуртталга оран-саваже ийи ээлчег бар — ниити болгаш чиигелделиг. Ниити ээлчегде бо хүннерде 2544 өг-бүле, чиигелделиг ээлчегде — 172. Чиигелделиг ээлчегге аар хевирниң хоочураан аарыглыг инвалид ажы-төлдүг өг-бүлелер, чаңгыс квартирага кады чурттаар арга чок хамаатылар хамааржыр. Аарыгларның даңзызын РФ-тиң Чазааның 2006 чылдың июнь 16-да бадылаан № 378 доктаалында үндүрген.
Өг-бүлени чиигелделиг бөлүкке тургузарда, билдириишкин киирип тургаш, аарыгның дугаарын (код) айыткан эмчи комиссиязының шынзылгазын албан кожар. Ол документилерни Кызылдың мэриязының экономика, эт-хөреңги талазы-биле болгаш сан-хөө хыналдазының департаментизиниң муниципалдыг оран-сава фондузунуң санаашкын болгаш хуваалда салбырынга дужаар. Адрези: Кызыл хоорай, Бухтуев кудумчузу, бажың 3, кабинеттер 10, 11. Хамаатыларны хүлээп алыр чуруму: вторник, среда, четвергте 13.00 шактан 16.30-ге чедир. Хоочураан аар аарыгларның даңзызын айыткан чүүлдү  «Российская газета» солуннуң 2006 чылдың июнь 21-де үндүрүлгезинден азы ол солуннуң сайтызындан көрүп ап болур.

Рубрика: 

Санал-онал немээри

Image CAPTCHA
Enter the characters shown in the image.