1925 чылдың август 31-де үнүп эгелээн

"ҮШ САЛЫМ, ҮШ ТАЛАНТ"

Рушевтерниң чогаадыкчы өг-бүлезинге тураскааткан делгелгени декабрь 9-та Тываның национал музейинге ажыдар. 
«Yш салым. Yш талант» деп адаан делгелгеге Надя Рушеваның 65 харлаанын, Наталья Ажыкмаа-Рушеваның 90 харлаанын демдеглеп база Николай Рушевтиң чогаадыкчы ажыл-ижин аңаа таныштырар. Музейге чаңгыс-даа турбаан Рушевтерниң өг-бүлезиниң херекселдерин, документилерин, экспонаттарын делгээр. 
Бо чылдың апрель айда музей­ниң ажылдакчылары Любовь Шойдук биле Долаана Бүрбүжеп Москва­да Рушевтерниң квартиразындан Надя Рушеваның эт-севин, чураан чуруктарын, эскизтерин эккелген турган. Ында эң-не үнелиг чүүлдер — номнар, фото-чуруктар, хөй-ле суй белектер, Надяның дел­гелгелериниң чарлалдары.
Рушевтерниң өг-бүлезиниң чогаадылгазының мөгейикчилеринге болгаш музей­ниң аалчыларынга бо делгелге улуг сонуургалды оттурар дээрзи маргыш чок.
Бистиң корр.

Санал-онал немээри

CAPTCHA на основе изображений
Чурукта айыттынган демдектерни киириңер.