1925 чылдың август 31-де үнүп эгелээн

ӨРТЕМЧЕЙНИҢ ӨҢГҮР ЧЕЧЕКТЕРИ

Енисейниң эриинде Кызыл хоо­райга ырлап-шоорлаан, самын тепкен, эзир куш дег девип турар бичиилерни көөрге, өртемчейниң өңгүр чечектеринге дөмейи кончуг, чаптанчыг чорду.

Уруглар хүнүн бүгү делегейде эрттирип турар. Ол ышкаш бистиң республиканың ырак-чоок суур­ларында уруг­лар аразында солун хемчеглер эрткилээн.

Найысылалда Национал музейниң девискээринге школачылар боттарының уран холдары-биле шеверлээн ажылдарын делгеп салган. Ыяштан, саазындан, хендирлерден, демирден, кажыктан бе­зин янзы-бүрү суй белектерни кылганы онза көзүлдү. Чаа-Хөл, Өвүр, Барыын-Хемчик, Улуг-Хем кожууннарның, Кызыл кожуунда «Эврика» уруглар төвүнүң болгаш Кызыл хоорайның школачылары дыка идепкейлиг киржип келген. Оон-даа өске солун хемчеглерни уругларның байырлалын таварыштыр солун деңнелге эрттиргени уттундурбас.

Ынчангаш Азия төвүнүң уругларынга кадык-шыырак, омак-сергек өзүп-доругуп, чайгы дыштанылгазын солун, хөглүг эрттирерин күзедивис. 

Бистиң корр.

Рубрика: 

Санал-онал немээри

Image CAPTCHA
Enter the characters shown in the image.