1925 чылдың август 31-де үнүп эгелээн

2019 ЧЫЛДЫҢ БАШТАЙГЫ ЧАШ КИЖИЗИ

Үнген чылдың онзагай болууш­кун­нарының бирээзи — Чаа чыл­дың баштайгы минуталарында төрүттүнген чаш дугайында солун медээни ооң ада-иези, чоок кижилеринден аңгыда, республиканың бүгү хөй-ниитизи улуг кичээнгей-биле күзеп манаарлар. Ооң бир чылдагаа­н­ы Тыва Республиканың Чазааның мурнундан Чаа чылдың дүнезинде бир дугаар төрүттүнген чашка болгаш ооң авазынга байыр чедирип, белек-селекти тыпсып турары.
Бо удаада 2019 чылдың баштайгы опеяазы Кызылдың №1 божудулга бажыңынга Чаа чылдың дүнезинде 00 шак 30 минута турда чырык черге чаяаттынып төрүттүнген. Чаш кижиниң деңзизи 3 кил бичии-ле четпес, узуну 49 см болган. Ол аас-кежиктиг өг-бүле Омак биле Альбина Ооржактарның 4 дугаар оглу болур.
Тываның Баштыңының өмүнээзинден Чазак Даргазының бирги оралакчызы Органа Натсак биле Кадык камгалал яамызының төлээлери эмнелгеге чедип, аас-кежиктиг иеге Чаа чыл таварыштыр олча-омактыг болганы-биле байыр чедирип, белек-селекти сөңнеп, чаш кижиге кадык-шыырак өзерин күзээн.
Бистиң корр.

Санал-онал немээри

Image CAPTCHA
Enter the characters shown in the image.