Рубрикалар

2022 чылда чаа ФАП-тар немежир

Тываның суурларында кадык камгалалының баштайгы эмчи дузазын чедирер черлерни чаартыр программа езугаар 2022 чылда республика девискээринге дөрт кожуунга үш фельдшер–акушер пунктузу болгаш үш эмчиниң амбулаториязын тудары көрдүнген.

Чаа ФАП-тарны Чеди-Хөлдүң Ак-Талга, Кызыл кожууннуң Терлиг-Хаяга, Каа-Хемниң Кундустугга тудар. Эмчиниң амбулаториязын Улуг-Хемниң Арыг-Үзүүнге, Хайыраканга болгаш Кызыл кожууннуң Баян-Колга тудары көрдүнген.

Бо тудугларже үстүнде адаанывыс программа ёзугаар 2022 чылда 70 569,75 муң рубльди федералдыг  болгаш регионалдыг бюджеттерден аңгылаар. Ооң иштинде 68 981,9 муң рубльди федералдыг бюджеттен үндүрер.

Бо хүннерде  “Авангард” КХН-ниң организациязы  тудуг материалдарының өртек –үнезиниң өзүп турарын барымдаалап,  тудугларның дөзевилел санаашкыннарын чорудуп турар. Ооң соонда тудуг бүрүзүнүң төлевилелиниң дөзевилел документилери күрүнениң тудуг экспертизазын эрткен соонда, электроннуг хевирге хүлээникчи организациялар аразынга аукционну чарлаар.

Тываның Кадык камгалал яамызы тус черлерниң чагырга черлери-биле кады ук тудугларны суурларның девискээрлеринге тудар эргени берип турар документилерни белеткеп эгелээн.

#Модернизация_первичного_звена_здравоохранения #Минздрав_Тувы

https://minzdravtuva.ru/2022-02-07-002.html

Предыдущая запись
ААРЫГ УЛУС САНЫ ЭВЭЭЖЕП ЭГЕЛЭЭН
Следующая запись
Чуртун ээлеп арткан чаававыска
Меню