Рубрикалар

85926 КИЖИ ДОЛУ ТАРЫДЫЫШКЫННЫ АЛГАН

Эпидбайдал
Росхереглелхайгааралдың ТР-де эргелелиниң болгаш ТР-ниң Кадык камгалал яамызының октябрь 28-тен 29-че эпидбайдал дугайында дыңнадыы

Эрткен хонукта 65 кижиниң, ооң иштинде 21 уругнуң кадыы экижээн-даа болза, covid 19-тан аараан деп лабораторлуг бадыткалды 72 кижи алган:

Кызылда — 20, Бай-Тайгада — 1, Барыын-Хемчикте – 5, Ак-Довурак хоорайда — 1, Чөөн-Хемчикте — 4, Каа-Хем кожуунда – 3, Кызыл кожуунда — 7, Өвүрде — 1, Бии-Хемде — 1, Сүт-Хөлде — 8, Тес-Хемде — 7, Улуг-Хемде — 8, Чеди-Хөлде — 14.

72 аарыг улустуң: эр улус — 20, херээжен улус — 52.
17 харга чедир 26 кижи, 18-49 харга чедир – 28, 50-64 харга чедир – 9, 65 хардан өрү 9 кижи аарып турар.

2021 чылдың январь 1-ден тура ниитизи-биле 13 720 кижи аараан деп лабораторлуг бадыткалды алган.

Кызылдың эмнелгелеринде 441 кижи стационарлыг эмнээшкинни ап турар. Ооң иштинде 409 кижи аараан деп лабораторлуг бадыткалды алган. Бичии уруглар — 63, иштиг херээжен чон — 16. Берге байдалда 91 кижи чыдар, ортумак байдалда 336 аарыг улус бар. Бир хүнде 30 кижини эмчиге чыттырган.

ИВЛ аппаратта 25 аарыг кижини кошкан. Өкпезинде дегдирген 16 кижи амбулаторлуг эмнээшкинни ап турар, стационарда 315 кижи чыдар.

Амбулаторлуг Covid-диагностика болгаш эмнээшкин төвүнүң хайгааралында 417 кижи турар, ооң иштинде 116 уруглар болгаш 52 кижи 65 хар ашкан улуг назылыглар. Эрткен хонукта 52 кижини, оларның аразында 14 уругну учёттан үндүр бижээн.

Хостуг орун фондузу 640 оруннуң 31,1 хуузун тургузуп турар.

Комиссияның тургусканы-биле ковидтен аарааш, мөчээн улустуң саны январь 1-ден тура 255 кижи четкен.

Чаңгыс хүнде Call-төптерже 1428 кижи долгаан. Анализ харыызының дугайында 1094 смс-медээлерни чоруткан.

Тываның Кадык камгалал яамызының лабораторияларынга 1207 ПЦР шинчилелдерни чоруткан.

Вакцинаның бирги компонентизи-биле 125 239 кижи, Спутник-лайт деп чаңгыс удаа салыр тарыдыышкынны 30 193 кижи алган. 85 926 кижи долу тарыдыышкынны алган.

ТР-ниң Кадык камгалал яамызының парлалга албанының медээзинден К. МОНГУШ белеткээн.

#ТР_ниңкадыккамгалаляамызы #Коронавирус #Вакцинация #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
УЛУСЧУ ДИКТАНТ
Следующая запись
КАРАНТИН ХҮННЕРИНДЕ ЭМЧИГЕ КИРЕР ДИЗЕ
Меню