Рубрикалар

Байдал нарын болуп артпышаан

Росхереглелхайгаарал эргелелиниң февраль 5, 6 хүннеринде берген медээзи-биле алырга, СOVID-19 болгаш Омикрон халдавырлыг аарыглар-биле Тывада байдал нарын болуп артпышаан.

Кадыының байдалы экижий берген улустуң саны 1186, ынчалза-даа лабораторлуг шинчилелдерниң түңнелинде 586 аарыг улусту тодараткан.

Оларның аразында эр улус- 196, 390- херээженнер бар. Хар-назы аайы-биле алырга, он чеди хар чедир назылыг чаштар болгаш элээдилер- 80, он сестен дөртен тос хар чедир назылыглар — 324, беженден алдан дөрт хар чедир назылыг улустуң саны — 129, алдан беш хардан өрү назылыг — 53 аарыг кижилер бүрүткеткен. Өөредилге адырындан 54 кижи, кадык камгалал ажырындан – 66 кижи аарып турар.

Амгы үеде 20 аарыг кижини ИВЛ аппаратка кошкан. 129 кижи берге байдалда чыдар.

Кызылдың стационарлыг госпитальдарында 1176 кижи, оларның иштинде бадыткаттынган диагностуг 1124 бичии уруглар, 88 иштиг херээженнер база бар.

Эмнелгелерде 26,9 хуу хостуг оруннар бар болуп турар, а ниитизи-биле 1608, ооң иштинде республиканың  кожуннарында 407 чыдып эмнедир оруннарны белеткээн.

7 эмнелге черлеринде (Call-центр) төптерде 63 операторлар ажылдап турар, бир хонукта 3097 дуза дилээн дыңнадыгларны эмчилер хүлээп ап турар.

4 лабораторияга 4693 ПЦР анализтерни кылган. I компонент-биле 148 473, ооң иштинде Спутник лайт-биле 36 782 кижи вакцина салдырган. Долузу-биле вакцинацияны  салдырарының долу курзун 100 622 кижи эрткен. 38 292 кижи (ревакцинация) катап эм салдырар чаданы эртип алган.

2022 чылдың январь 1-ден тура ковидтен 7 кижи чок болган.

 

Предыдущая запись
Пенсия 8,6 хуу өскен
Следующая запись
БИЛИП АЛЫРЫ ЧУГУЛА
Меню