Рубрикалар

АЙДЫС САТ — ЭКОНОМИКТИГ ХӨГЖҮЛДЕ БОЛГАШ ҮЛЕТПҮР САЙЫДЫ

Ооң мурнунда Тыва Республиканың Чазааның даргазының оралакчызы база экономика сайыды албан-дужаалдарны хары угда күүседип турган Айдыс Сат ам Экономиктиг хөгжүлде болгаш үлетпүр яамызын удуртуп эгелээн. Ведомствонуң удуртукчузу турган Менги Кара-оол чазак даргазының оралакчызы албан-дужаалда хевээр арткан.

Айдыс Сат Бии-Хем кожууннуң Туран хоорайга төрүттүнген. Россия Федерациязының Чазааның чанында Саң-хөө академиязынга «Бухгалтер учеду, анализ база аудит» мергежилди 2009 чылда чедип алган. 2014 чылда Тываның күрүне университединге «Юриспруденция» угланыышкынга; 2018 чылда РФ-тиң Президентизиниң чанында РАНХИГС-ка «Күрүне болгаш муниципалдыг башкарылга» угланыышкынга профессионал эде белеткелди эрткен; 2019 чылда «Синергия» Москваның саң-хөө-үлетпүр университединге «Биче болгаш ортумак сайгарлыкчы чорук субъектилерин деткиирин организастаары» угланыышкынга өөредилгени эрткен.

РФ-тиң Чепсектиг күштеринге 2009-2010 чылдарда албан хүлээлгезин эрттирген. 2011-2013 чылдарда ТР-ниң Экономика яамызының күрүне программалары база инвестициялар хаара тудар килдистиң кол специализи бооп ажылдаан. 2013-2016 чылдарда «Связь-Банк» АКБ ААН база «Россельхозбанк» ААН-ның банк филиалдарынга ажылдаан.
2016 чылдан эгелеп республиканың экономика яамызынга удуртур ажылдарга ажылдап турда, 2018 чылда экономика сайыдының бирги оралакчызынга томуйлаан.

Тыва Республиканың Чазааның даргазының оралакчызы база экономика сайыды албан-дужаалдарга томуйладырынга чедир, 2020 чылдан 2021 чылдың майга чедир Москва хоорайда “Инвестиция хөгжүлдезиниң агентилели” коммерцияга хамаарышпас автономнуг организацияның Инвестиция төлевилелдериниң департаментизинде төлевилелдер инициативаларын учеттаар килдистиң начальнигинге, Төлевилел инициативаларның даңзызын тургузар департаментиниң удуртукчузунга ажылдаан.

Тываның Чазааның парлалга албаны.

#Тывареспубликаныңчазаа #Экономиктигхөгжүлдеболгашүлетпүр #Айдыссат #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
АЪТТЫҢ ЧҮГҮРҮҮ, АЖЫЛДЫҢ ХЫНАМЧАЛЫЫ
Следующая запись
БҮГҮ-РОССИЙЖИ ОЛИМПИАДАНЫҢ РЕГИОН ЧАДАЗЫ ЭГЕЛЭЭН
Меню