Рубрикалар

Аржаанга аныяк армейжилер клазын ажыдар

Бии-Хем кожууннуң Аржаан сумузунуң школазының өөреникчилери биле Бүгү-российжи “Аныяк армия” шериг-ада-чуртчу хөй-нии¬ти шимчээшкининиң регионалдыг салбырының штаб начальниги Айдың Шивидек солун ужуражылганы эрттирген.

Айдың Шивидек школачыларга шериг-ада-чуртчу шимчээшкинниң дугайында таныштырып, рапорт дужаап өөреткен. Уруглар, оолдар аалчызынга Калашниковтуң автомадын адырып-чыырынга билиглерин көргүскен.

Аныяк-өскенни дайынчы ада-чуртчу мөзү-шынарга кижизидер сорулга-биле школаның удуртулгазы чоокку үеде аныяк армейжилер клазын ажыдар сорулганы салган.

Чурттуң Баштыңы Владимир Путин биле камгалал сайыды Сергей Шойгунуң эгелээшкини-биле бүгү-российжи “Аныяк армия” шериг-ада-чуртчу шимчээшкининиң ажыл-чорудулгазы 2016 чылдан тура эгелээн. Россияда аныяк армейжилерниң одуруунче муң-муң оолдар, уруглар каттыжып, чыл келген тудум оларның саны немежип турар.

#Бии_хемкожуун #Аржаан #Аныякармия #Аныяктаргвардиязы #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
Мөңгүн-Тайганың тушенказы Донбасска чедер
Следующая запись
Россияда эмнер хандырылгазы эки
Меню