Рубрикалар

БАЙДАЛ АМ-ДАА НАРЫН

Тыва Республиканың Чазааның август 9-та ээлчеглиг аппарат хуралынга республикада коронавирус аарыг-биле байдалды база чугаалашканын  дыңнадып тур.

Коронавирус аарыгның нептерээри республикада 9 хуу хире чавырылган-даа болза, байдал ам-даа нарын дээрзин Росхереглелхайгаарал албанының Тыва Республика талазы-биле эргелелиниң удуртукчузу Людмила Салчак дыңнаткан. Эрткен неделяда 901 кижи аараан. Чүгле июль айда 4999 кижи коронавирустан аарааны бүрүткеттинген деп дыңнаткаш, ол дээрге эрткен чылын хамчыктыг аарыгның ийиги чалгыының ол-ла үезинден 1,5 катап хөй дээрзин демдеглээн.

Тывага коронавирус аарыг-биле шыңгыы демиселдиң үезинде аарыгның халдавырлыы ниитизи-биле 9 хуу эвээжээн-даа болза, Чөөн-Хемчик, Барыын-Хемчик, Бай-Тайга, Тес-Хем, Эрзин, Тожу, Сүт-Хөл кожууннарда болгаш Ак-Довурак хоорайда тус черлерниң чурттакчыларының аарыыры көвүдээн. Халдавырлыг аарыгны чавырылдырар талазы-биле баш бурунгаар чорудар хемчеглерниң планы бо кожууннарда чок, чоннуң чаңгыс черге хөй чыглырын болдурбас, кижилер тарамык чоруурунуң талазы-биле ажылды кошкак организастаан.

Чаа өөредилге чылы чоокшулап олурары-биле холбаштыр өөредилге черлерин, 16 болгаш 17 дугаарлыг лицейлерни коронавирустан аараан кижилер эмнээринден хостаарының, оларның долу санитарлыг арыглаашкынын чорударының, келир өөредилге чылында школачыларның халдавырыг аарыгдан айыыл чок болурунуң эргежок чугулазын Росхереглелхайгаарал албанының Тыва Республика талазы-биле эргелелиниң удуртукчузу Людмила Салчак демдеглээн.

#Аппаратхуралы #Росхереглелхайгаарал #Коронавирус #Тыва #Тува #Тувамедиагрупп #Тывадыл #Тывамедээ #Tuva #Shyntuva

Предыдущая запись
ААС-КЕЖИИ АЖЫ-ТӨЛҮНДЕ
Следующая запись
ЧАА ТӨЛЕВИРЛЕР ДУГАЙЫНДА
Меню