Рубрикалар

БО ЧЫЛ ЭГЕЗИНДЕН ТУРА ТЫВАДА 178 КИЖИ ХАМЧЫКТЫГ ААРЫГДАН ЧОК БОЛГАН

Регионнуң Кадык камгалал яамызы өлүп-хораанының чылдагаанын тургузар республиканың эксперт комиссиязының медээзин дамчыткан.
Январьның 1-ден республикада 178 кижи Covid-19 аарыындан мөчээн. Чаа коронавирус халдавырының үшкү чалгыы аар-берге дельта штаммының нептерээни-биле, хөй кижиниң амы-тынын алгаш барган.
178 кижиниң 21-и январьда болза, февральда – 4, мартта – 3, майда – 1, июньда — 6, июльда – 58 база августа – 82 кижи Covid-19-тен чок болган.
2020 чылдың майдан бээр республикага 387 кижи чаа коронавирус аарыындан чок болган, оларның 369-зу чаңгыс эвес хоочу аарыгларлыг турган. Чок болганнарның 63,8 хуузу, азы 247-зи чүрек-дамыр аарыгларлыг, 20,4 хуузу азы 79-зу бестер аарыглыг, 9,8 хуузу азы 38-зи тыныш аарыгларлыг, 2,6 хуузу азы 10-у ыжык аарыгларлыг турган болза, 11,4 хуузу азы 44 кижи өске аарыгларлыг.
2021 чылда Covid-19-тан мөчээн кижилерниң ортумак назыны 67,7 хар. 18-тен 49 хар аразында назылыг 17 кижи, 50-64 харлыг – 50 кижи, 65 хардан өрү назылыг – 111 кижи хораан.

Предыдущая запись
Тываның Соңгулда комиссиязы бадылаашкынның баш бурунгаар түңнелдерин дыңнаткан
Следующая запись
ЧЕДЕРИ БЕРГЕ КОЖУУННАРНЫҢ ЧУРТТАКЧЫЛАРЫН ЧИЗЕЛЭЭН
Меню