Рубрикалар

Чаа аппаратка 26 аарыгны илереткен

Чеди-Хөл кожууннуң төп эмнелгезинде чаа тургускан УЗИ аппарадынга чыл эгезинден тура 55 шинчилгелерни кылган. Чем хайылдырар органнарның, бүүректиң, эмиг бестериниң, көп-белдир органнарының 26 аарыгны эге чадазында илереткен. Аарыы илерээн улусту чурттап турар девискээриниң терапевт эмчизинге эмнээшкинниң аргаларын тодарадыры-биле чоруткан.
Philips фирманың амгы үениң чурагайлыг аппарадын «Кадык камгалалының бирги чадазын чаартыры» программа-биле алган. Амгы үеде эмнелгениң удуртулгазы тускай эртемниг специалисти доктаамал ажылче хүлээп алыр айтырыгны шиитпирлеп турар.
«Амдыызында дакпырлап ажылдаар кылдыр дугуруштувус. Специалист эмчи дыштаныр хүннерде келгеш, шинчилгелерни чорудар. Амгы байдалдан үнер арга ол деп санаар-дыр бис. Ол ышкаш аппаратка гинекология шинчилгезин бистиң акушер-гинеколог эмчивис Дамира Александровна Бегзи-Хуурак чорудуп турар» – деп, төп эмнелгениң улуг эмчизи Алена Монгуш чугаалаан.
«Чаа сан-чурагайлыг аппараттыг болганывыска өөрүп тур бис. Эрги совет үелерниң-не аппарадывысты музейже-даа дужаап болур» – деп, Алена Монгуш өөрүшкүзүн илереткен.
ТР-ниң Кадык камгалал яамызың медээлеринден

Предыдущая запись
 Бай-Тайгага эрткен байырлал-мөөрейлер
Следующая запись
Тураскаалдар болгаш төөгүлүг черлер хүнү
Меню