Рубрикалар

Чаа томуйлаашкын

Тываның Чазааның даргазының оралакчызы – одалга болгаш энергетика сайыды албан-дужаалды күүседири-биле Мерген Дагбаны томуйлаан. Чаа вице-премьер чуртталга-коммунал ажыл-агыйында чаңгыс аай күрүне политиказының күүселдезин, республиканың чылыг-энергетика комплекизиниң ажылын база хөгжүлдезин харыылаар.

Мерген Балыкааевич Дагба Тыва Республиканың Өвүр кожууннуң Хандагайты суурунга төрүттүнген. 1986 чылда ССРЭ-ниң ИХЯ-зының Воронежте милицияның тускай ортумак школазын, 2005 чылда Сибирьниң күрүне албанының академиязын дооскан.
Күш-ажылчы базымын Хандагайты суурда кожууннуң харылзаа белдиринге монтерлап эгелээн. Тыва АССР-ниң ИХЯ одуруунга, Тыва Республикада ИХЯ-га албан-ажылын күүседип чораан.

Тыва Республиканың Күш-ажыл болгаш чонну ажылга хаара тудар яамының эрге-хоойлу инспектору, Тыва Республиканың Аныяктар херектериниң талазы-биле сайыттың оралакчызы, Тыва Республиканың күш-культура болгаш туризм талазы-биле күрүне комитединиң даргазының оралакчызы, Тыва Республиканың тудуг болгаш чуртталга-коммунал ажыл-агый сайыдының бирги оралакчызы албан-дужаалдарга бодун көргүзүп, ажылдаан.

2016 чылдан амгы хүннерге чедир хөй аал чурттаар бажыңнарның капитал септелгезиниң коммерцияга хамаарышпас фондузунуң директору турган.

Предыдущая запись
Студентилер «Бис шыдаар бис!» деп акцияга киришкен
Следующая запись
Саргыга ызырткан таварылгаларны демдеглээн
Меню