Рубрикалар

ЧАА ТОМУЙЛААШКЫН

Тываның Баштыңының Администрациязының, Чер болгаш өнчү-хөреңги яамызының чаа удуртукчулары
Тываның Баштыңының албан-хүлээлгезин күүседип турар Владислав Ховалыг Айдың Чюдюкту Тыва Республиканың Баштыңының Администрация база Чазак Аппарадының удуртукчузу албан-хүлээлгеде томуйлаан.

Ол Кызыл хоорай мэриязының база «Тываэнергосбыт» АН-ның удуртукчу ажылдарынга элээн чылдарда ажылдаан арга-дуржулгалыг. Чаа албан-дужаалга томуйладырынга чедир, 2021 чылдың апрельден республиканың чер болгаш өнчү-хөреңги хамаарылгларының сайыдынга ажылдаан.

А.А. Чюдюк 1987 чылда Кызыл хоорайга төрүттүнген. 2010 чылда Москваның банк херээниң институдун доскан. 2018 чылда «Сибирь» контракт системазы» КХН-ге «Күрүне, муниципалдыг база корпоративтиг садыглажылга» программазы-биле профессионал эде белеткелди эрткен. 2019 чылда «Регион» КХН-ге – «Персоналды удуртуру» программа-биле өөренген. 2010-2018 чылдарда Кызыл хорай мэриязының чер болгаш өнчү хамаарлгаларының департамент начальниги, 2018-2021 чылдарда «Тываэнергосбыт» АН дээш, удуртур албан-дужаалдарга ажылдаан.

«Кызыл хоорайның 100 чылы» юбилейлиг медальдың эдилекчизи.

Тыва Республиканың чер болгаш өнчү-хөреңги сайыдының албан-хүлээлгезин күүседир кылдыр Менги Кара-оолду томуйлаар дугайында чарлыкка атты Владислав Ховалыг салган.

М.Х. Кара-оол Красноярскиниң күрүне университединиң экономика факультедин экономика болгаш күш-ажыл социологиязы мергежилдиг 2004 чылда дооскан. 2006-2007 чылдарда Тыва Республиканың Садыг болгаш амыдырал-хандырылга яамызынга килдис начальниктээн. 2007-2008 чылдарда – Тыва Республиканың экономика сайыдының оралакчызы. 2008 чылдан 2014 чылга чедир Кызыл хоорай мэриниң экономика болгаш саң-хөө талазы-биле бирги оралакчызы. 2014-2016 чылдарда – Кызыл хоорай мэриязының херектер башкарыкчызы. 2016-2017 чылдарда – Кызыл хоорай мэриязының архитектура, хоорай тудуу база чер хамаарылгазының департамент начальниги. 2019 чылдан 2020 чылга чедир ТИГПИ-ниң эртем ажылдакчызы (экономика сектору). 2017-2021 чылдарда – «Прогресс» КХН-ниң чиңгине директору.

#Тываныңчазаа #Чааудуртукчулар #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
БЕШ КӨВҮРҮГНҮ ТУДАР
Следующая запись
БУЯННЫГ СЕТКИЛДИҢ ЭДИЛЕКЧИЗИ
Меню