Доозукчуларның байырлыг хемчеглери арыг агаарга

Тывага сөөлгү коңгалар май 22-де арыг агаарга болур. Ол дугайында чазакка болган хуралга бөгүн билдинген. Школаларга сөөлгү коңга байырлалы болгаш уруглар садынга доозукчулар кежээзи хөй кезиинде ада-иениң киржилгези чокка болур. Чылдагааны COVID-19 деп шупту билир бис. Коронавирус аарыын нептеретпези-биле байырлыг хемчеглер үезинде санитарлыг негелделерни сагыыры чугула.

– Ажы-төлүвүстүң кадыкшылы дээш оларның чаңгыс катап болур байырлалын арыг агаарга санитарлыг негелделерни сагывышаан, эрттирер деп шиитпирледивис. Ындыг байдалга аттестаттарны ажы-төлге тыпсыр бис – деп, Тываныӊ Баштыӊыныӊ албан-хүлээлгезин күүседип турар Владислав Ховалыг социал четкиде бодунуң хууда арынында бижээн.

#Тываныңчазаа #Владиславховалыг #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews

Предыдущая запись
Россия чонун ара кагбаан
Следующая запись
Россияның даштыкы херектер аямызы Тывага даштыкының журналистеринге пресс-тур организастаарын сүмелээн.
Меню