Рубрикалар

ЭМНЕЛГЕЛЕР ТУСКАЙ ДЕРИГ-ХЕРЕКСЕЛДЕР-БИЛЕ ЧЕТЧЕЛЕНИП ЭГЕЛЭЭН

Кадык камгалалы

“Кадык камгалалының эге одуруунга чаартылгалар” деп федералдыг программа-биле Тываның Кадык камгалал яамызы 113 550,19 муң рубльга 48 санныг эмчиниң дериг-херекселдерин хандырары-биле 15 аукционнуг садыглаашкыннарны чоруткан. Түңнелинде, 112 464,75 муң рубльге 15 керээлерни чарган, беш санныг эмчиниң дериг-херекселин саткаш, ажыглалче киирген.

Республиканың 1 дугаар эмнелгезиниң консультация-диагностика поликлиниказынга хан анализин чоруудар дериг-херексел болгаш электроэнцефалографты салгаш, ажыглалче киирген. Республиканың уруглар эмнелгезинде, Кызылдың хоорай поликлиниказында, Республиканың 2 дугаар эмнелгеде тыныш хынаар талазы-биле тускай дериг-херекселдерни салгаш, ажыглалче киирген.

Бо хүннерде көжүп чоруур рентген-аппараттар, денситометрияга хереглээр аппарат, УЗИ аппараттары болгаш өске-даа эмчиниң тускай дериг–херекселдериниң кээри манаттынып турар.

#Тываныңкадыккамгалаляамызы #Дериг_херексел #Кадыкшыл #Тыва #Тува #Тувамедиагрупп #Тывадыл #Тывамедээ #Tuva #Shyntuva

Предыдущая запись
ЭМЧИ КОЛЛЕДЖИНЧЕ 280 СТУДЕНТ ӨӨРЕНИП КИРГЕ
Следующая запись
БИЛИГЛЕР ХҮНҮНДЕ ЧАА ШКОЛА АЖЫТТЫНГАН!
Меню