Рубрикалар

Эмнерни ырак-узак кожууннарже чоруткан

Эмнерни ырак-узак кожууннарже чоруткан
Тыва Республиканың чонунга социал деткимче программазының шугуму-биле «ОТИСИФАРМ» компаниязы эмнерни чорудуп берген.
COVID-19 халдавырлыг аарыгны баш удур болдурбазы-биле дүрген профилактика чорударынга база ону эмнээринге «Арбидол», ОРВИ аарыын эмнээринге «Генферон Лайт» деп эмни республиканың кадык камгалал яамызынга дамчыдып берген. 25 муң хап эм-таңны республиканың аңгы-аңгы эмнелгелеринге тус-тузунда хуваап үлештирген. Амбулаторлуг эмнээшкинде аарыг улустарга ол эмнерни база бээр.
«ОТИСИФАРМ» компания эң херектиг эм-таңны бүдүрүп, регионнарга, ылаңгыя Тыва Республикага, квота-биле халас чорудуп бергени ол. Ук компанияның ачы-буянныг эгелекчи саналы болгаш COVID-19 айыылдыг аарыг-биле демисежиринге эм-таң берип дузалашканы дээш, Тыва Республиканың кадык камгалал сайыды Артыш Сат сеткилинден өөрүп четтиргенин илереткен. Эмнерни республиканың чедери берге ырак-узак кожууннарынче чоруткан.
Бистиң корр.

Предыдущая запись
ТЫВАНЫҢ IX КАМБЫ-ЛАМАЗЫ ДҮЖҮЛГЕ ЕЗУЛАЛЫН НОЯБРЬ 22-ДЕ КЫЗЫЛГА ЭРТТИРГЕН
Следующая запись
Бүгү-Россияның караа көрбестер ниитилелиниң Тывага тургустунуп эгелээн төөгүзүнүң арыннары
Меню