Рубрикалар

ЭРЕС-МААДЫРЛЫГ ЧОРУУ ДЭЭШ

Украинада чоруп турар тускай дайынчы операция үезинде Россияның шериг-политиктиг эрге-ажыктарын эрес-дидими-биле камгалап тургаш, амы-тынындан маадырлыы-биле чарылган бистиң чаңгыс чер чурттугларывыс дайынчыларга “Эрес-маадырлыг чорук” орденни (Орден Мужества) Россия Федерациязының Президентизи Владимир Путинниң Чарлыы-биле тывыскан.
Ада-чурттуң Улуг дайынынга Тиилелгениң бүдүүзүнде, май 8-те, Тываның Баштыңы Владислав Ховалыг дайынчыларның чоок кижилеринге “Эрес-маадырлыг чорук” орденнерни (Орден Мужества) дамчыдып берген.

Улуг сержант Павел Васильевич Князевтиң дайынчы шаңналын авазы Светлана Даниловна Князева, ефрейтор Адыгжы Шолбанович Моңгуштуң орденин ачазы Шолбан Даңзычыевич Моңгушка, биче сержант Эдуард Владимирович Билзенниң орденин өөнүң ишти Наталья Сергеевна Билзенге, ефрейтор Ромаз Викторович Оюннуң орденин авазы Наталья Иргитовна Оюнга, анаа дайынчы Аяңчы Мижит-оолович Салчактың дайынчы шаңналын өөнүң ишти Онзалай Олеговна Салчакка, биче сержант Чаян Александрович Чынанның орденин өөнүң ишти Хенчене Николаевна Чынанга, анаа дайынчы Саян Сынгыт-оолович Хомушкунуң дайынчы шаңналын өөнүң ишти Уран-Чечек Андреевна Хомушкуга, полицияның прапорщиги Ахмет Бурушпен-оолович Маадының орденин өөнүң ишти Артышмаа Ивановна Маадыга, полицияның прапорщиги Содунам Сергеевич Шалыктың дайынчы шаңналын өөнүң ишти Алдынай Сергеевна Санчыга тудускан.
Украинада чоруп турар тускай дайынчы операция үезинде эрес-дидим тулчуп, амы-тынындан маадырлыы-биле чарылган дайынчылар бистиң сагыш-сеткиливиске кезээде уттундурбас, оларның аттарын хоорай, суурларның кудумчуларынга болгаш өске-даа черлерге мөңгежип артып каар деп, Тываның Баштыңы Владислав Ховалыг демдеглээн.

Оглунуң дайын-чаага амы-тынындан чарылганы дыка хомуданчыг, аар-берге ажыг-шүжүг болза-даа, “Эрес-маадырлыг чорук” (Орден Мужества) орден ооң дугайында сактыышкын, хайыралыг тураскаал боор дээрзин Павел Князевтиң авазы Светлана Даниловна Князева чугаалаан.

“Эрес-маадырлыг чорук” (Орден Мужества) орден күрүнениң бедик шаңналы болза-даа, аңаа төлептиг болган оолдарның уруг-дарыының, аваларының, эң чоок кижилериниң ажыг-шүжүүн базырып шыдавас дээрзи оларның карактарының чаштарындан, кажыыдал сиңген арын-шыпайындан илдең болган.

Ш.Суван.

Предыдущая запись
Тиилекчилерге байыр чедириишкин
Следующая запись
Украин нацизмге удур демиселдиң маадырларының аттары-биле Тывага кудумчуларны адаар
Меню