Эртежи кижи эзерлиг аътка таваржыр

Тываның Баштыңы Шолбан Кара-оол хүннүң-не хем кыдыын арыглап, аштап турар Владимир Намчал-оолович Бадыгырга бодунуң сеткилинден үш дугуйлуг чадаг тергени белекке берген.

—     Бистиң аравыста боттарының уунда-ла ажыл-агыйын кылып чоруур улузувус хөй. Оларның бирээзи Владимир акый, хүннүң-не хем кыдыының девискээрин аштап, арыглап турар, езулуг-ла күш-ажылчы кижи-дир. Кызымак ажылын үнелеп көргеш, терге садып бээрин чугаалаан кижи мен.  Чүгле быжыг кадыкшылды сеткилимден күзедим, акым! – деп, Чазак Даргазы чугаалаан.

Владимир Намчал-оолович Кызыл хоорайда “Чаагайжыдылга” бүдүрүлгезиниң ажылчыны. Ол хүннүң-не хем эриинде бокту арыглап турар, төрээн чери чараш, арыг-силиг турзун деп күзелдиг.

Бистиң корр.

Айдың Монгуштуң тырттырган чуруктары.

Меню