Рубрикалар

Хамчыктыг аарыг ковид-19 кежээлеп турар

Сөөлгү хонукта Россияда хамчыктыг аарыг ковид-19-тан аарааш бир хүнде чок болган улус саны чаа рекордту тургускан.

Стопкоронавирус.рф сайттың дыңнатканы-биле Россияда сөөлгү хонук дургузунда ковид-19-тан аараан 1178 кижи амы-тынындан чарылган.
Ооң мурнунда хүнде 1155 аарыг кижи чок болган турган.

Бүгү Россияда эрткен хонукта 39008 кижи немей аараанын илереткен.
Чоокта чаа-ла хонукта аараан кижи саны 30 муң ажарга-ла,ону чаа,
муңгаранчыг рекорд деп турган болзувусса,ам ол сан-чурагай сөөлгү хонуктарда 40 муң ажа бергени-байдал бүгү чуртта черле нарыыдап келгенин херечилеп турар.

Тывада сөөлгү хонукта ковид-19-тан аараан 70 кижи немешкен деп стопкоронавирус.рф сайтта айтып турары ТР-ниң кадык-камгалал яамызының дыңнаткан сан-чурагайы-биле дүгжүп турар.

Бүгү Россияда эң хөй аараан кижилер найысылал Москвада немей тодараттынган болза,Тывада база эң хөй аараан улус найысылал Кызылда илерээн (38 кижи).Ооң соонда Кызыл кожуунда 9 кижи ковид-19-тан аарааны илерээн.Өске кожууннарда болгаш Ак-Довурак хоорайда 1-ден 3 чедир аарыг улусту тодараткан.

Эрткен хонук дургузунда ковид-19-тан аараан 46 кижи сегип,эмнелге-лерден үндүр бижиткен.Оларның иштинде 18 назы четпээн уруглар болган.

Сөөлгү хонукта илереттинген 70 аарыг улустуң 36 кижи эр,34 кижи херээжен болуп турар.Назы-хар аайы-биле 17 хар четпээн уруглар (28 кижи) хөй болуп турары дүвүренчиг.Ынчангаш ада-иелер ажы-төлүн бажыңындан шуут үн-дүрбес,карантин хемчеглерин долузу-биле сагыыр болза эки.18-тен 49 харга чедир аараан улус саны база-ла эвээш эвес,24 болганы хып дээн аныяк-чалыы,ортумак назы чаа-ла ашкан улус база хөйү-биле аарып турарын херечилеп турар.50-ден 64 хар чедир аарыг улус саны 14 кижиге өскени,аарыгны аар эртер назы-харлыг улус база немежип турарын көргүзүп турар.64 хардан өрү назылыг 4 кижи иле-рээни улуг назылыг чаңгыс чер-чуртугларывыс кадыынга оваарым-чалыг болуп турар деп болур.

Эмнелгелерде ковид-19-тан аараан 473 кижи чыдар деп ТР-ниң кадык-камгалал яамызы албан езузу-биле дамчыдып турар.Оларның аразын-да 57 назы четпээн уруглар бары чаш ажы-төлче кичээнгейни улгат-тырып,харыысаалганы күштелдирери негеттинип келген.

Иштиг-сааттыг херээжен улус саны 16 болганы чүгле иелерниң эвес,чаа төрүттүнер чаш ажы-төлдүг кадыын камгалаар дээш эмчилерниң кү-жениишкинниг ажылдаарынга-ла идегээри арткан деп болур.

Эмнелгелерде берге байдалда аарыг кижи саны-94.Ортумак байдалда аарыг улус 364 кижи болган.

2021 чылдың эгезинден тура, ам бо хүнге чедир Тывада 283 кижи ко-вид-19-тан чок болган деп стопкоронавирус.рф сайтта айыткан бол-за,ТР-ниң кадык-камгалал яамызының айытканы-биле Тывада 255 ки-жи ковидтен чок болган деп турар.

Россияда ортумак сан-чурагай-биле 100 муң кижиге онааштыр ковидтен чок болган аарыг улус саны Тывада эвээш-таа болза,бүгү чуртта байдал нарыы-дап турары-биле черле «серемчиде хорамча чок» деп чүвени ут-пайн,чазак-чагырганың тургусканы карантин хемчеглерин кижи бүрүзү сагыыры чугула.

Ол ышкаш ковидке удур тарылганы эртип алыры хамчыктыг аарыгдан камгаланырының ам бо хүннерде чаңгыс борбак бүзүрелдиг аргазы ол деп кижи бүрүзү медереп билген турар ужурлуг.

Мерген АНАЙ-ООЛ белеткээн.

#ТР_ниңкадыккамгалаляамызы #Коронавирус #Вакцинация #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
ЧОННУҢ ЧАҢГЫС ДЕМИНИҢ ХҮНҮНДЕ…
Следующая запись
АДА-ИЕЛЕРГЕ КИЧЭЭНДИРИГ
Меню