Уруг төрүттүнүп келген соонда-ла, ие капиталы-биле ипотеканың баштайгы дадывырын азы ооң кезиин төлеп ап болур. Ипотека чок болза, уругнуң 3 харлаарын манаар апаар.
Бир эвес ие капиталын чурттаар оран-саваже ажыглап турар болзуңарза, ынаар өг-бүлениң кежигүннериниң үлүү албан киирер херек.
Ие капиталы-биле чурттаар бажыңны садып ап болур. Ынчалза-даа чер садып алыры болдунмас. Септелгени ие капиталы-биле кылып болбас-даа болза, бажыңны эде кылып чаарттырда ажыглап болур. Чижээ, бажыңны улгаттыр немээрде азы ийи дугаар каът тударда.
