Рубрикалар

ИННОКЕНТИЙ САФЬЯНОВКА ТУРАСКААЛДЫ АЖЫТКАН

Тыва Арат Республиканың тургустунганындан бээр 100 чыл оюн демдеглээн хемчеглерниң бир кол кезээ — бот-догуннаан Тыва Арат Республиканың тургузукчуларының бирээзи Иннокентий Георгиевич Сафьяновка (1873-1953) тураскаалды Кызыл хоорайга ажытканы.Ол байырлыг езулал бөгүн, август 13-те, Орус культура төвүнүң мурнунга болуп эрткен. Билдингир тыва скульптор Байза Ондарның Смоленск хоорайга хүлерден шууткуп кылганы Иннокентий Сафьяновтуң тураскаалын ында тургускан.

Байырлыг езулалга Тыва Республиканың Баштыңының албан-хүлээлгезин түр үеде күүседип турар Владислав Ховалыг, ТР-ниң Дээди Хуралының даргазы Каң-оол Даваа, Федерация Чөвүлелиниң кежигүнү, сенатор Дина Оюн, Тывада Кол федералдыг инспектор Александр Вавилихин, Кызыл хоорайның мэри Карим Сагаан-оол болгаш Иннокентий Сафьяновтуң салгалдары болур төрел-дөргүлүнүң төлээлери, хоочуннар болгаш аныяк-өскен, албан организация черлериниң удуртукчулары, хөй-ниитижилер болгаш массалыг информация чепсектериниң төлээлери киришкен. Киржикчилер шупту хамчыктыг аарыг ковид-19-ка удур бүгү хемчеглерни сагып тургаш байырлыг езулалга киришкеннер.

Болуп эрткен байырлыг езулал дугайында тускай репортажты «Шын» солуннуң дараазында үндүрүлгезинден номчуун силер.

Буян ООРЖАКТЫҢ тырттырган чуруктары.

#Тураскаал #Сафьянов #ТАР_ның100чылы #Тыва #Тува #Тувамедиагрупп #Тывадыл #Тывамедээ #Tuva #Shyntuva

Предыдущая запись
Россия Федерациязының сенатору Дина ОЮН-нуң байыр чедириишкини
Следующая запись
ТУСКАЙ ПОЧТА ТАҢМАЗЫ
Меню