Рубрикалар

Күрүне шаңналдарын тывыскан

Бүгү-делегейниң херээженнер хүнү – Март 8-тиң бүдүүзүнде В. Көк-оол аттыг Нацио­нал театрга ба­йыр­лыг концерт болган.

Частың башкы байырлалы-биле Тыва Республиканың Баштыңының база де­пу­­тат­­тарның мурнундан респуб­ликаның эң-не төлептиг херээжен чонунга күрүне шаң­налдарын тывыскан.

Идепкейлиг хөй-ниитичи ажылы дээш, ТР-ниң Баштыңы­ның Хүндүлел бижии-биле республиканың уруглар эмнел­ге­зиниң клиниктиг психологу Инга Иргитти шаңнаан.

Албан-хүлээлгезин үлегер­лиг күүсеткени дээш, ТР-ниң Баштыңының Хүн­дү­­лел бижиин ТР-ниң Суд кол­легиязының даргазы Татьяна Кунгаага тывыскан.

Хөй чылдарда ак сеткилдиг, кызымаккай ажылы дээш, “Чаа­гайжыдылга” МУБ-туң ажылчыны Светлана Кууларга ТР-ниң Баштыңының Хүндүлел бижиин, “ТР-ниң алдарлыг ажылдакчызы” хүндүлүг атты биология-генерология эртемнериниң кандидады Чойганмаа Ойдупка тывыскан.

“ТР-ниң өөредилгезиниң алдарлыг ажылдакчызы”  хүндүлүг атка Кызылдың 15 дугаар лице­йи­­ниң орус дыл башкызы Оксана Новикова төлептиг болган.

РФ-тиң болгаш Тыва АССР-ниң алдарлыг эмчизи Алевтина Сиразитдинова кадык камгалал адырынга хөй чылдарда ак сет­килдиг бараан бооп келгени дээш, “ТР-ниң Улустуң эмчизи” деп атка төлептиг болган.

Херээжен чонга тыва театр­ның артистери, Кызылдың уран чүүл колледжиниң сургуулдары, уран чүүл школаларының өөреникчилери база найы­сы­лал­дың чогаадыкчы коллективтери чараш концертти бараал­гаткан.

Алдынай АРАКЧАА.

Арслан АРАКЧААНЫҢ тырттырган чуруктары. #Шын

Предыдущая запись
Мал чеминиң курлавыры ам-даа бар
Следующая запись
Орук харылзаазының ырагындан бергелерге таваржып турар бис
Меню