Рубрикалар

КЫШКЫ «АЛДЫН СОГУН»

Декабрь 17-де «Алдын согун» деп төлевилелдиң кышкы ээлчээн Каа-Хем кожууннуң чагырга чери Сарыг-Сеп сумузунга организастап эрттирген. Ниитизи-биле тыва ча адар оюннуң баг адар хевиринге 20 багжы киришкен.

Каа-Хем кожууннуң чагырга чери өгбелерден дамчып келген эр кижиниң үш адаан мөөрейлиг оюнунуң бирээзи — тыва ча адар оюнну деткип, мергеннерге үнелиг шаңналдарны тывыскан.

1 черни — Айдың Хомушку (Бай-Тайга);
2 черни —Сылдыс Моңгуш (Чөөн-Хемчик);
3 черни — Артыш Моңгуш (Барыын-Хемчик);
4 черни — Дамды Адыя (Өвүр);
5 черни — Эрес Нурзат (Эрзин).

Шылгараан багжыларның аткан огу ара барбазын, салган согуну соора барбазын деп йөрээп, чыылганнар болгаш организакчылар маргылдаа киржикчилеринге эки күзээшкиннерни кылган.

Медээни болгаш чуруктарны Тыва үндезин культра төвүнден алган.

К. МОНГУШ белеткээн.

#Тываүндезинкультуратөвү #Тываоюннар #Алдынсогун #Тыва #Тува #Шынсолун #Тывадыл #Тывамедээ #Tuva #Shyntuva

Предыдущая запись
ХҮТКЕ 2023 ЧЫЛДА ФАП-ТЫ ТУДАР
Следующая запись
ЭРТКЕН ХОНУКТА 42 КИЖИНИҢ КАДЫЫ ЭКИЖЭЭН
Меню