Рубрикалар

ЛАБОРАТОРИЯЛАР ХОНДУР АЖЫЛДААР РЕЖИМЧЕ КИРГЕН

Чаа коронавирустан аараан улустуң саны көвүдеп эгелээн. Бо дүвүренчиг байдал ТР-ниң Кадык камгалал яамызының ПЦР шинчилелдер чорудуп турар бүгү лабораторияларын январь 23-тен эгелеп хондур ажылдаар режимче киирген.

Ук яамының үндүрген дужаалы ёзугаар анализти алган үезинден тура лабораториялар 24 шак дургузунда шинчилээш, харыызын дарый берген турар ужурлуг.

Анализтер харыызын өй-шаанда берген турарын шыңгыы хайгааралга алыры-биле эмчи организацияларының удуртукчуларынга харыысалганы дааскан. Ол ышкаш аарыг улустуң ат-сывын бижээн документилерни долдуруп тургаш, кичээнгейлиг болурун сагындырып турар.

Сагындырып каалы, ПЦР шинчилелдерни дараазында лабораторияларда чорудуп турар:
1. Республиканың халдавырлыг аарыглар эмнелгезиниң лабораториязы;
2. СПИД төвүнүң лабораториязы;
3. Кеш болгаш шээр аарыглар диспансериниң лабораториязы;
4. Чөөн-Хемчик кожууннуң төп эмнелгезиниң лабораториязы.

Лабораториялар бир хүнде 4000-ден хөй анализти шинчилептер аргалыг.

К. МОНГУШ.

Предыдущая запись
Өскелерни сорук киирген
Следующая запись
АЙЫЫЛДЫГ ВИРУСТАН КАМГАЛААР ДЭЭШ..
Меню