Рубрикалар

ЛЮДМИЛА САЛЧАК: ӨЗҮЛДЕНИҢ ТАЛАЗЫ-БИЛЕ 21 ДУГААР ЧЕРДЕ

Росхереглелхайгааралдың Тывада эргелелиниң удуртукчузу Людмила Салчак республикада халдавырлыг аарыглар-биле байдалдың дугайында дыңнаткан.

– Коронавирус халдавырындан аараан шупту 16508 таварылга бүрүткеттинген. Халдавыр чыпшырып алган кижилерниң санының талазы-биле Тыва Россияның иштинде 14 дугаар черде, хонук дургузунда өзүлдениң талазы-биле 21 дугаар черде. Аарыгның нептереп тараарының темпизиниң коэффициентизи 0,28, а ниити Россияда – 0, 38.

Эрткен неделяга деңнээрге өзүлде 3,1 катап болган. Аарыг чыпшырып алган кижилерниң 27 хуузу – уруглар, 21 хуузу – бүдүрүлгелерниң болгаш организацияларның ажылдакчылары, 14,4 хуузу – пенсионерлер.
Кижилерниң 48 хуузу аарыгны им-демдек чок эртип турар, 41 хуузунда – ОРВИ болгаш бронхит хевирлиг.

Халдавыр чыпшырып алган черлери: хөй-ниити черлери, сырый-чоок холбаалар.

Хостуг орун-дөжек фондузу 18,7 хуу (ужурлуг болза 50 хуудан эвээжевес болур).

Эрге-чагырга органнары нормативтиг эрге-хоойлуларның, масканы албан кедериниң чурумунуң, социал ыракшылдың база оран-сава дезинфекциялаашкынның сагылдазын хандырар ужурлуг.
Республикада чурттакчы чонну тестилээшкинге хаара тудары бедик деңнелде болуп артпышаан.

#Аппаратхуралы #Эпидбайдал #Росхереглелхайгаарал #Шынсолун #Тыва #Тывамедээ #Тывадыл #Тывамедиагрупп #Тува #Tuva #Shyntuva

Предыдущая запись
БО ХҮННЕРДЕ ТЫВАГА 6 МУҢ ВАКСИНА КЕЛИР
Следующая запись
Тарып олурткан үлүү деӊнежип турар
Меню