Уругларның өөредилгези — ие капиталын ажыглаарының нептереңгей хевирлериниң бирээзи. 2024 чылдың эгезинден тура Тывадан 118 өг-бүле ие капиталын уругларының өөредилгезинче углаан. Бо сорулгаларга Россияның Социал фондузунуң Тыва Республикада салбыры 5,2 сая ажыг рубльди шилчиткен. Программаның ажылдап эгелээни үеден тура (2007 чылдан эгелеп) Тывадан 3232 өг-бүле уругларның өөредилгезинче 136 сая рубльди чараан.
Кажан сертификат алган уруг үш харлапканда, ие капиталының акшазын уругларның дээди болгаш ортумак өөредилге черлеринге өөредилгезинче, дазылгага чурттаанын төлээринге чарыгдап болур. Мооң-биле чергелештир сертификат тывыскан чаш уруг төрүттүнүп кээри билек, ие акшазы-биле уруглар садының өртээн болгаш школа бетиниң программаларының өртээн төлеп ап болур. Ол-даа, бо-даа таварылгада өг-бүлениң кандыг-даа уруунуң акшазын ажыглап болур. Өөредилгениң эгелээниниң ай-хүнүнде уруг 25 хардан бичии болур ужурлуг.
Ада-иелер билдириишкинни дараазында хевирлерни ажыглап, ие акшазын өөредилге ачы-дузазының төлевиринче углап болурлар:
- Россияның Социал фондузунуң Тыва Республикада салбырынче боду амы-хуузунда киирип болур;
- Күрүне ачы-дузазының порталын таварыштыр;
-Хөй хүлээлгелиг төптерни таварыштыр.
Бир эвес уруг-биле дугуржулга чардынган болза, уругнуң төлевирлиг өөредилгезиниң дугайында керээниң хоолгазын Социал фонд салбырының ажылдакчылары өөредилге черинден боттары айтырып алырлар. Бо хүннерде Россияның Социал фондузунуң Тыва Республикада салбыры бир дээди, 15 ортумак тускай өөредилге чери, 195 уруглар сады-биле дугуржулганы чаргаан. Чөпшээрепкен соонда регионалдыг Салбыр 5 ажылчын хүннүң дургузунда акша-хөреңгилерни шилчидип бээр.
Акша-хөреңги шилчидип бээр деп турар организация, чок-ла болза амы-хууда сайгарлыкчы Россияның девискээринде турар болгаш өөредилге ачы-дузазын чөпшээреп турар лицензиялыг болурун айтыры артык эвес. Оон аңгыда ие капиталын өөредилге төлевиринден аңгыда, уругнуң ажаап-тежээлдезинче, каракталынче углап болур.
Бир эвес силерде айтырыглар тургустунуп келген болза, Россияның Социал фондузунуң Тыва Республикада салбырының специалистеринден 8-800-200-0542 дугаарлыг телефон таварыштыр билип ап болур (долгааны дээш халас, ажыл чуруму— пн-пт 09.00 шактан 18.00 шакка чедир).
Россияның Социал фондузунуң Тыва Республикада салбырының медээлеринден