2025 чылда дыштаныр хүннер, шөлээ үнеринге таарымчалыг айлар

Дыштаныр хүннерни планнап, шөлээ алыр үени шилиирде, дараазында медээни билип алырын Россияныӊ Күш-ажыл болгаш социал политика яамызы сүмелеп турар.

2025 чылда ажыл хүннериниӊ саны – 247, а дыштаныр/байырлал хүннери – 118.

Эрткен чылдыӊ күш-ажыл календары-биле барык дөмей, 2024 чылда ажыл хүннери – 248, дыштаныр/байырлал хүннери 118 турган.
2025 чылда байырлалдыӊ дыштаныр хүннери – май 1–4, май 8–11. Россия хүнү байырлал таварыштыр июнь 12–15 хүннеринде дыштаныр.
Ажыл хүннерин санын барымдаалап, 2025 чылда шөлээ алырынга эӊ-не эки айлар – июль биле октябрь. Ажыл хүннериниӊ саны – 23. Апрель, сентябрь, декабрь айларда 22 хүн ажылдаар, шөлээ үнеринге база таарымчалыг.

Августа – 21, февральда 20 хүн ажылдаар болганда, шөлээлээринге база эптиг.

Июнь, май, ноябрь, январь айларда шөлээлээрге, алыр акшазы эвээш болур. Чүге дизе шөлээ акшазын санаарда, чаӊгыс ажыл хүнүнүӊ өртээнге даяныр. Ажылчынныӊ бир чылда алган шалыӊ орулгазын 12 айга үлептер, оон бир айныӊ хүннериниӊ 29,3 деп ортумак санынга үлептер.

«Чаӊгыс ажыл хүнүнүӊ өртээ» деп көргүзүгнү чүгле ажыл хүннеринден санаар. А «хүннүӊ ортумак шалыӊы» деп көргүзүгнү санаарда, бүдүн чылдыӊ шупту хүннерин барымдаалаар. Ынчап кээрге бирги көргүзүг ийигизинден эвээжей бээр. Хүннерниӊ саны деӊ-даа болза, шөлээзи чүге шалыӊдан эвээш болурунуӊ чылдагааны ындыг.

ТР-ниӊ Чонну ажылга хаара тудар төптүӊ медээлеринден.