Август 27-ниң эртенгиниң 9 шактыы-биле алырга, 21086,7 га ниити шөлдүг 32 өрт хып турганын регионалдыг диспетчер албаны дыңнаткан. Тожунуң арга-арыг ажыл-агыйында 15 га шөлде өрттү өжүрген. Эрткен хүнде Шагаан-Арыгның арга-арыг ажыл-агыйында 0,4 гада 1 өрт өжүртүнген.
Тес-Хем, Тожу, Бии-Хем, Таңды, Чеди-Хөл, Эрзин, Каа-Хем, Чөөн-Хемчик база Улуг-Хем кожууннар девискээринде ам-даа имистелдир хып чыдар черлер бар.
425 кижини база 66 санныг техниканы өрт өжүреринче хаара туткан. Тываның өртчүлери-биле Красноярск край, Иркутск, Томск областарның база Хакас Республиканың агаардан арга-арыг камгалаар 140 ажыг ажылдакчылары өрттерни өжүржүп турар. Новосибирскиден немелде күш бөгүн кээр. Таңды кожуунда өрттү өжүреринче ОБЯ-ның "Бе-200" амфибия самоледун ажыглаан.
Август 27-де республиканың чамдык черлеринге чаңныктар дүжери чадавас.
Тываның девискээринде арга-арыг өрттери-биле байдал баксыраанын көргеш, 2024 чылдың август 17-ден арга-арыгларга регионалдыг онза байдал чурумун киирген. Оон бээр республиканың арга-арыглыг черлеринче кирери хоруглуг.
ТР-ниң Чазааның парлалга албланы.
“Шын” №65 2024 чылдың август 28