Тываның Баштыңы Владислав Ховалыг чиигелделиг ипотеканың боттанылгазы эки чоруп турарын бодунуң блогунга бижээн.
“Тываның девискээринге чиигелделиг ипотеканы нептередири биске дыка берге болган, ынчалза-даа салдынган сорулганы күүседип шыдаптывыс. Ооң хереглелдиг болганынга өөрүүр-дүр мен. Ук программаны боттандырып эгелээн үеден тура, 2,5 муң чагыгны банкылар чөпшээрээн. Чурттаар оран-саваны 2 хуулуг садып алырының дугайында 367 керээ чардынган.
636 квартираны бөгүн садып турар бис. Декабрь эгезинде барык 1400 квартираны садарының дугайында дугуржулгалар тудуг организациялары-биле бар. Чурттаар оран-саваны чиигелделиг ипотека-биле садып алырының керээзи өзүп олурар хереглелди дуглаар ужурлуг. Тудуг адыры өзүп олурар хереглелди моон-даа соңгаар хандырып, чурттаар оран-саваның чедингирин болдурар.
Тыва – ипотека прогаммазы ажылдап турар Сибирьде кара чаңгыс регион. Саарылгалыг банкылар-биле карышкаан федералдыг казна чери дуглап берип турар. Чурттакчы чон ындыг деткимчени 2024 чылда безин ап болурлар”.
Бистиң корр.
“Шын” №84 2023 чылдың ноябрь 4