Тываның чурттакчылары чиигелделиг ипотека-биле сбербанкыдан 500 ажыг кредитти алган. Кредиттиң ниити түңү – 2,5 миллиард чеде берген дугайында «Домклик» медеглээн.
Бажың садып алыр дээш, кредит алган керээлерниң 99 хуузу чаа туттунуп турар бажыңнардан ора-сава дээрзин эксперттер тодараткан.
Тывага ук программа-биле 2023 чылдың сентябрьда 1,7 хууга берип эгелээн. Чиигелделиг ипотеканы 6 сая рубльга чедир ап болур. Бир дугаар төлевир бажыңның өртээниң 15,1 хуудан эвээжевес база 242 айдан көвүдевес ужурлуг.
Чиигелделиг ипотека программазы Тывага чурттаар оран-сава тудуун дүргедедиринге улуг идиг болган» ¬- деп, Сбербанкының «Домклик» дивизионунуң директору Алексей Лейпи демдеглээн.
Республиканың Чазаа чиигелделиг ипотека программазын Тывага ажыглап эгелээрин ийи чылдың дургузунда чедип алган дээрзин сагындыраал. Россияның Чазааның Даргазы Михаил Мишустин бо чылдың июль айда чиигелделиг ипотеканы тывага ажылдадыр дугайында доктаалга атты салган.
Бистиң корр.