Август 1-ден тура Тываның девискээринге чер хаванының аңнаашкыны эгелээн. Черлик хаван дыка хөй халдавырлыг аарыгларның тарадыкчызы дээрзин аңчыларга бо үе кезиндээнде сагындырары эргежок чугула.
Ветеринария адырында хоойлужудулганың негелделеринге дүүштүр черлик хаванның, адыгның, морзуктуң коң эъди албан экспертиза эртер ужурлуг. Ол хемчег бо хүннерде онза чугула, чүге дизе черлик аң-меңниң аңнаашкыны эгелээн болгай. Халдавыр тараан эъттиң дужаакчылары кол нуруузунда аңчылар болур. Коргунчуг халдавырдан бодун база өг-бүлезин камгалап алыры берге эвес, аңаа чүгле чартык шак үе негеттинер – лабораторияга эътти хынадырынга. Изиг сугга эътти үр хайындырарга, шупту курттар, шыйлашкыннар өлүп каар деп санал база бар, ол окта шын эвес. Эътти доңурары база халдавырдан камгалавас.
Хакасия биле Тыва республиканың талазы-биле Россияның көдээ ажыл-агый хайгааралының эргелели аңныыр сезонунда айыыл чок чорук хемчеглерин сагыыры эргежок чугула дээрзин аңчыларга сагындырып турар. Халдавылыг болгаш паразиттерлиг эът кадыкшылга хоралыг дээрзин уттуп болбас болза эки.
Өг-бүлениң кежигүннери, дөргүл-төрел, таныш-көрүш трихинеллез аарыының айыылынга алыспазын дизе, аңчылар болгаш дузалал ажыл-агыйында азырал хаваннар тудуп турар ээлер черлик болгаш азырал амытаннарның сокканының соонда ветеринар-санитарлыг экспертизазын албан чорудар ужурлуг. Шинчилел-хыналда эртпээн эътти чемге ажыглап, дөргүл-төрелдеринге, таныш-көрүштеринге үлээри хоруглуг. Танывазы кижилерден, садыглаашкын чорударынга көрдүнмээн черлерден эът садып алыры айыылдыг.
Тыва республика талазы-биле Россияның көдээ ажыл-агый хайгааралының эргелелиниң медээлеринден.
"Шын" №61 2024 чылдың август 14