Республиканыӊ Кадык камгалал яамызыныӊ сөөлгү медээзи-биле алырга, чүгле август 14–15 хүннеринде халдавырлыг аарыг коронавирустан Тывада 121 кижиниӊ аарааны илереттинген.
Оларныӊ аразында 51 бичии ажы-төл, 70 улуг кижилер. Коронавирустан аараан эӊ хөй кижилер Кызыл хоорайда, 89 кижи болган, а Таӊды кожуунда 10 кижи.
Амгы үеде Тывада 1 175 кижи коронавирустан аарып турар. Оларныӊ аразындан 146 кижи эмнелгеде эмнедип чыдар.
Бо хүннерге чедир 11 546 кижи коронавирустан тарыткан.
Коронавирус аарыгныӊ база катап нептереп тараарындан дүвүрел чурттакчы чоннуӊ аразында көдүрлүп орар - байырлалдарны, кудаларны, хөй кижилерни чаӊгыс черге чыылдырар хемчеглерни соксадырын негеп бижип турары социал четкилерде көстүп келген.
Ш.Моӊгуш
Аарааннар көвүдеп турар
15 августа 2022
55