2025 чылдың июль 25-тен 29-ка чедир Казань хоорайга «Абилимпикс» деп тускай шериг операциязының киржикчилериниң аразынга профессионал мергежилдер чемпионады болур.
Тываны тускай шериг операциязының хоочуннары Ай-Хаан Торуш, Вадим Кара-оол, Леонид Ховалыг, Чайдаш Ооржак база Юрий Нара-Мандып төлээлээр. Олар «Аъш-чем кылыры», «Ыяш чазаары», «Каңнаар технологиялар» деп мөөрейлерге киржир.
Маргылдаалар Казаньның вертолёттар заводунга эртер. Ниитизи-биле 15 аңгы адырга ТШО-нуң хоочуннары күжүн шенежир. Абилимпикске 400 ажыг кижи регионнар чадазын эрткеш, Татарстанның найысылалынче чоруур эргени чаалап алган. Изиг демиселдиң түңнелинде октябрьда болур Абилимпикс чемпионадының финалынга киржир 75 эң шылгараңгай дайынчыларны шилиир.
“Ада-чурт камгалакчылары” фондунуң медээзи болгаш чуруу.
“Шын” №26 2025 чылдың июль 10