Ачы-дуза чедирер штаб.

Мобилизация-биле келдирткен хамаатыларның өг-бүлелеринге деткимче көргүзер штаб Тывада ажылдап турар.

Штаб социал, психологтуг, гуманитарлыг ачы-дуза чедирер болгаш социал айтырыглар болгаш магадылалдар талазы-биле медээ бээр талазы-биле ажылды чорудар хүлээлгелиг.

Республиканың Күш-ажыл болгаш социал политика яамызының баазазында долу эвес мобилизацияга кыйгырткан хамаатыларның өг-бүлелеринге ачы-дуза чыыр чаңгыс аай төп ажыттынган. Штабта Тывада Улусчу фронт салбырының, политиктиг партияларның төлээлери, Тываның Аныяктар херектериниң талазы-биле агентилелиниң волонтерлары ажылдап турар.

''Дүүн орай дүнеге дээр ажылдадывыс, бо хүн база улаштыр ажылдап тур бис. Эрзин, Улуг-Хем, Чаа-Хөл, Чөөн-Хемчик кожуунарже база Кызыл хоорайже гуманитарлыг ачы-дузаны чорударынга дузалаштывыс'' - деп, Агентилелдиң удуртукчузу Эртине Куулар дыңнаткан.

Штаб Кызыл хоорай, Кочетов кудумчузу, 155 деп адресте ажылдап турар.

8(39422) 2-17-44 дугаар телефонда ''изиг шугум'' дамчыштыр каяа чеде бергеш, кандыг дуза чедирип болур дээрзин билип ап болур.