"Ада-чурттуң камгалакчылары" Күрүне фондузунуң Тывада салбырының оран-савазынга ТШО-да Тывадан киржип барган оолдарга ыыт-шимээн чидирикчилерин, дизельдиг генераторларны болгаш оптиктиг хараалдарны дамчыдып берген. Ол бүгү эргежок чугула дериг-херекселдерни республиканың сагыш човаачал сайгарлыкчылары тывыскан.
Ада-чурт камгалакчыларының өг-бүлелериниң тыва комитединиң даргазы Айлана Дан-Сюрюннуң чугаазы-биле алырга, ачы-дузаның ээлчеглиг аъткарылгазы Чаа чылдың бүдүүзүнде болур. Тодаргай хүнү амдыызында билдинмес.
Россий шериглерниң салым-чолунга тоомчалыг хамаарылгазы болгаш деткимчези дээш Ада-чурт камгалакчыларының өг-бүлелериниң тыва комитединиң өөрүп четтириишкинин Айлана Дан-Сюрюн болгаш "Деткимче" деп социал болгаш культура төлевилелдериниң талазы-биле регион салбырының директору Артыш Иргит илереткен. Сайгарлыкчыларга болгаш тудуг адырының төлээлеринге Ада-чурт камгалакчыларының өг-бүлелериниң комитединиң өөрүп четтириишкинниг бижиктерин тывыскан.
А. ХЕРТЕК белеткээн.
Чуруктарны интернеттен алган.
«Шын» №93 2023 чылдың декабрь 6