Бо хүннерде бүгү Россияда, ооң иштинде республикавыста, соңгулдалар чоруп турарын билир бис. Бөгүн, сентябрь 11-де хамаатылар бадылаашкынга боттарының үнүн берип болур сөөлгү хүн. Россияның Күрүне Думазының депутаты Айдын Сарыглар база бодунуң хамааты хүлээлгезин күүсеткеш, соңгулдаларга келириниң чугула болуп турарын демдеглээн:
«Хамааты хүлээлгемни күүсеттим. Чуртувустуң хамааты бүрүзү соңгулда участогунга келгеш, бадылаашкынга киржип, үнүн бээри чугула деп санап турар мен. Бистиң кылган шилилгевистен республикавыстң болгаш чуртувустуң келир үези хамааржыр болгай. - деп, ол чугаалааш, Тывада эртип турар соңгулдаларга хамаарышкан бодалы-биле үлешкен. - Республикада соңгулда кампаниязы чурумнуг, улуг хажыдыышкыннар, чидиг айтырыглар чокка эртип турар деп санап тур мен".