Экии, «Шын» солун»! Чагырга чери мээӊ адымдан билдириишкин бижээш, бажыӊым чанында чер участогун күрүнеге бүрүткедип болур чүве бе? Бо чүүлдү тайылбырладып бериӊерем.
(Кызыл кожуундан Ооржак А.А.)
Номчукчунуӊ айтырыынга Тывада Росреестр эргелелиниӊ Кызылда килдизиниӊ даргазы Шончалай Ондар харыылап берген:
– Кожуун, суму чагыргазы ындыг билдириишкинни киирип болур. «Дача амнистиязыныӊ дугайында» деп адаар Хоойлунуӊ, тодаргайлаарга, 2006 чылдыӊ июнь 30-де үнген 93 дугаарлыг Федералдыг хоойлунуӊ 12-ги чүүлүнге дүүштүр, хуу дузалал ажыл-агыйынга, дача кылырынга, огород, сад тарыырынга, гараж азы бажыӊ тударынга көрдүнген черлерни болгаш ында турар капиталдыг тудугларга кадастр ажылдарын чорудуп, күрүнениӊ кадастр учедунга тургузуп, хамаатыларныӊ шимчевес өнчү хөреӊгизиниӊ ээзи деп эргелерин бүрүткээр дээш чогуур билдириишкиннерни төлээлекчи органнар хүлээп алыр. Оон соонда чер участогун кадастр учедунга тургузуп, бүрүткээриниӊ дугайында билдириишкинни хамаатыныӊ адындан бижээш, Росреестр албан черинче чорудуп болур.
Р. Демчик.