Айыыл чок чорук хемчеглерин күштелдирер

Республика Баштыңы Владислав Ховалыгның даалгазы-биле, Чаа чыл болгаш Рождество байырлалдарының дыштаныр хонуктарында регионнуң девискээринге айыыл чок чорук хемчеглерин хандырар оперативтиг штабты тургускан.

Чазак даргазының оралакчызы Виталий Бартына-Садының удуртканы оперативтиг штабтың составынче яамылар болгаш ведомстволар удуртукчулары, кожуун чагырга даргалары кирген. Оперштаб тус чер бот-башкарылга черлеринде тургустунган шак ындыг органнарның ажылын дүүштүрер.

Хүн бүрүде социал албан черлериниң котельнаяларын, массалыг хемчеглер эртер черлерни хынаары, өртке удур профилактиктиг ведомстволар аразының рейдилерин организастаары, хөй-ниитиниң, хамаатыларның база назы четпээннерниң айыыл чок чоруун хандырары, чажыт арага садарын болдурбазы, онза байдалдар үезинде хемчеглерни хүлээри, ол ышкаш оперативтиг информацияларны чыып, ТР-ниң Чазааның дежурныйынче дамчыдары – штабтың ажылы.

Республиканың Баштыңы 2023 чылдың декабрь 30-ден 2024 чылдың январь 8-ке чедир оперштабтың составынга дежурныйлаар бодунуң оралакчыларының дежурство графигин бадылаан.

2023 чылдың декабрь 30-де – ТР-ниң Чазааның даргазының оралакчызы Олег Лукин республикага дежурныйлаар.
2023 чылдың декабрь 30-де – ТР-ниң Чазааның даргазының оралакчызы Орлан Сарыглар республикага дежурныйлаар.
2024 чылдың январь 1-де – ТР-ниң Чазааның даргазының оралакчызы Орлан Сарыглар дежурный.
2024 чылдың январь 2-де – ТР-ниң Чазааның даргазының оралакчызы Виталий Бартына-Сады дежурный.
2024 чылдың январь 3-те – ТР-ниң Чазааның даргазының оралакчызы Виталий Бартына-Сады дежурный.
2024 чылдың январь 4-те –Тыва Республиканың Баштыңының Администрация база Тыва Республиканың Чазааның Аппарат удуртукчузу Юрий Ананьин дежурный.
2024 чылдың январь 5-те – ТР-ниң Чазааның даргазының оралакчызы Айдын Чюдюк дежурный.
2024 чылдың январь 6-да – ТР-ниң Чазааның даргазының оралакчызы Олег Лукин дежурный.
2024 чылдың январь 7-де – ТР-ниң Чазааның даргазының оралакчызы Алик Монгуш дежурный.
2024 чылдың январь 8-те – ТР-ниң Чазааның даргазының оралакчызы Алик Монгуш дежурный.

ТР-ниң Чазааның дежурныйы республикада байдал талазы-биле оперативтиг информацияны дараазында +7 (39422) 2-12-94 телефон таварыштыр хүлээр.

ТР-ниң Чазааның парлалга албаны.