Кызыл хоорайның хүнүнде кежээ байырлыг салют үезинде бир-ле чылдагаан ужун айыылдыг байдал тургустунган. Ооң чылдагааннарын тодарадыры-биле бүгү харыысалгалыг албан черлери ажылды чорудуп эгелээн дээрзин Тываның Баштыңы Владислав Ховалыг дыңнаткан.
''Байдалды амы-хууда хыналдам адаанда тудуп алган мен. Ажылды организастаан төлээниң талазындан айыыл чок чорук техниказының хажыдыышкыны болган деп бадыткаттынар болза, хоойлу езугаар харыысалганы бүрүнү-биле чүктээр ужурлуг.
Ам когараан кижилерге бүгү херек дузаны үе-шаанда чедирери чугула. Кадык камгалал яамызының удуртулгазынга чогуур даалганы бердим'' - деп, В. Ховалыг бодунуң социал четкилеринде бижээн.