“Алаш” хөөмей-сыгыт ансамбли Москвага “ТИИЛЕЛГЕНИҢ СИМФОНИЯЗЫ”деп концертке оюн-көргүзүүн бараалгаткан.

Ада-чурттуң Улуг дайынынга Тиилелгениң 78 чыл оюнга уткуштур Күрүнениң академиктиг Улуг театрынга бир дугаар “ТИИЛЕЛГЕНИҢ СИМФОНИЯЗЫ” деп концерт болуп эрткен. Ону РФ-тиң Камгалал яамызының Төп шериг оркестриниң он-көргүзүү-биле эгелээн.

Театрның чаа сценазынга Төп шериг оркестринден аңгыда Улуг театрның солистери, Россияның Армиязының А.В. Александров аттыг ыры болгаш танцының академиктиг ансамблиниң, Москваның “Новая опера” аттыг театрының артистери болгаш Тывадан хөйге билдингир “Алаш” сыгыт-хөөмей ансамблиниң хөгжүмчүлери оюн-көргүзүүн бараалгаткан.

Бо солун концертче ТШО-нуң киржикчилери болгаш оларның өг-бүлелери, шериг албанныглар, дайын болгаш Чепсектиг күштерниң хоочуннары, спорттуң хоочуннары база 2023 чылда Кызыл ш-лге болур Тиилелге парадының киржикчилери чаладып, хүндүлүг көрүкчүлери болган.

Тиилелге хүнүнге уткуштур улуг концертти Россияның Камгалал яамызының культура департаментизи организастап эрттирген. Ол хемчег Күрүнениң академиктиг Улуг театры биле Камгалал яамызының кады ажылдажылгазының уланчызы болуп турар.

https://vk.com/tuvacult?z=video-20358661_456240655/6e..