Албан-дужаалындан халашкан

Республиканың Баштыңы ооң Көдээ ажыл-агый яамызындан чоруп турарын мынчаар тайылбырлап турар: “Тываның көдээ ажыл-агый сайыдының албан-дужаалынга Сергей Ондарны томуйлап тура, чүнүң-даа мурнунда ооң арга-дуржулгазынга даянган мен. Ук адырга корум-чурумну тударын, грантыларның болгаш саң-хөө дузаламчызының ажык-чарлыын болдурарын, көдээ ажыл-агый ажылдарының организациязынга чаа хамаарылганы хевирлээрин аңаа дааскан турдум. Ол республика иштинге хөй чоруп, малчыннар болгаш фермерлер-биле хөй аралажып келген кижи. Бодунуң болгаш ооң удуртуп турары яамызының чедер, четпестерин ажыы-биле миннип чугаалаар кижи. Ол эрткен оруу дээш аңаа өөрүп четтиргенимни илередип тур мен. Дугурушканывыс хуусааны, харын-даа оон хөйнү, төндүр ажылдааш, Сергей Конзаң-оолович Ондар Көдээ ажыл-агый яамызының удуртукчузунуң албан-дужаалындан хосталып чоруп тур. Ынчалза-даа харыысалгалыг, идепкейлиг амыдыралчы туруштуг, хөй-ниити чөвүлелиниң хартаачыларының бирээзи кижи болгаш ол АҮК адыры-биле моон-даа соңгаар кады ажылдажыр” – деп, республиканың бирги удуртукчузу медеглеп турар.

#ТываЧазак #Шынсолун #Тыва #Көдээажылагый #СергейОндар