Кижи сайзыраар дээрге бажыңда үрели берген чүүлдер шаптык болуп, кижиге чүгле багай күштер эккеп болур. Ынчангаш бо хүн силерге ядыы чуртталганың демдектери-биле үлежир-дир бис.
Бок. Кандыг-даа боктуң хевири кижиге эки чүүлдер эккелбес (эрги солуннар, хеп, бузук шил савалар, үрелген эдилелдер). Бажыңче эки чүүл киирер дээрге ол бок шаптараазын болур. Ынчангаш боктан дүрген адырлыңар!
Кижиге багай сактыышкыннар бээр чуруктар. Силерге багай чүүлдер кылган кижилерниң чуруктарын боттарыңардан ырадыңар.
Шын аштаныры. Ширбииш, союндакты база үе-үе болгаш солуп ап турар болза эки. Олар дээрге бажыңда багай күштерни үндүрер херекселдер болганда, багай күштерге удур тулчурда, орбак-самдар, үрелген херекселдер күш четпес болгай.
Өске кижилерниң идик-хевин болгаш чок болган кижилерниң эдилелдерин бажыңга шыгжавас. Бажыңга үр үеде кетпээн хептер чыдар болза, акша болгаш эки чүүл бажыңче кирбес болур.
Үрелген, бузулган талисманнар болгаш камгалалдар кижиге эки чүүлдер тыртарының орнунга, багай кара согуннарлыг болуп алгаш, силерге багай чүүл эккеп эгелээр.
Эрги акша хаптарын бажыңга чыттырбас. Ооң орнунга октапканы дээре.
Бир эвес бажыңыңарда копилкалар анаа шимчээшкин чок чыдар болза, база турум чуртталганың демдээ болур.
Эрги крупа, подвалда чыдар савалар, чиир хуусаазы эрте берген чемнер база бажыңга эки күш-шыдал эккелбес.
Кургаткан чечектер. Өлүп калган чечектер бажыңга турум тапталган чуртталганың демдээ. (Өлген дириг амытаннарның мыйыстары болгаш кештери).
Бузулган эдилелдер. Аяк-сава бичии-ле тиглени берген болза, дораан октаар.
Силерге ажыктыг сүмелер бар болду бе?
“Тываның хамнары чугаалап тур” телеграмм каналдан алган.
Чурукту интернеттен алган.
"Шын" №40 2023 чылдың июнь 3