Эзирик чолаачы машиназын чагыга үстүрүп алгаш, чугааланган-дыр:
— Мен харын эзирик-тир мен че, оода сен машина адаанче кирип чүңүл?
Кудумчу кежип чыткан чадаг кижини таварыпкан херээжен:
— Кичээнгейлиг болуп көрүңер. Машинаны 10 чыл мунган дуржулгалыг чолаачы-дыр мен — деп чарбыттынган.
— Ынчаарга меңээ хомудаан херээ чок: мен бежен чыл кылаштап чор мен!
— Дальнобойщик чолаачы чүден эң-не коргар деп?
— Ча-ча, ол чүден-даа кортпас! Чүгле «ДНК» биле «Жди меня» деп дамчыдылгалардан коргар.
— Экии, «Элээр чолаачы» деп операция бе?… Ынчаарга, элээр чолаачыларны дозуңар! Мен мында кандыг-даа хамаарылга чок мен?
— Чугаалап көрем, бир эвес мен «Тос» эвес, Мерседестиг халдып келген болзумза, машинамга олурар сен бе?
— Ынчаарга мен норка шубалыг эвес, фуфайка кедип алган турган болзумза, турар сен бе?
“Шын” № 86 2023 чылдың ноябрь 11