«Тываныӊ арга-арыг камгалаар төвүнүӊ» ажылдакчылары бөгүн, май 23-те, ажылдаар чериниӊ девискээринге субботниктээн.
Ажыл хүнү-даа болза, олар дырбааштар, шоодайлар-биле чепсегленгеш, албан чериниӊ девискэээрин арыглап кирипкен. Кургаг сигенни, бокту дырбааш-биле аштап, ыяштарныӊ кургаг будуктарын одура хирээлеп, чадаӊ үнүштерниӊ будуктарын дески кылдыр чараштыр кезип, херимин септеп кылгаш, өӊгүр чараш чечектер тарып олуртур черлерин, саваларын белеткээн. Улуг арыглаашкынныг ажылга шупту демнии-биле киришкен.
Бойдустуӊ арга-эзимнерин хайгаарап камгалаар хүлээлгелиг экологтарныӊ ажылы чымыштыг. Удавас сезон аайы-биле олар республиканыӊ арга-эзимнеринге барып, ыяштарныӊ, үнүштерниӊ, чаш өзүмнерниӊ байдалын шинчилээр.
Р. Демчик.