Аржаан сумузу – арыг-силигниң девискээри

Бии-Хем кожууннуң Аржаан сумузунуң улуг-биче чону Бүгү-российжи субботникке каттышкан.

Күш-ажылчы коллективтер, чурттакчылар, хоочуннар, школачылар «Бистиң сумувус – арыг-силигниң девискээри» деп кыйгырыг-биле неделя санында санитарлыг арыглаашкынны чорудуп турар.

Аржаанчылар хөй-ниити чыглыр черлерниң, бажыңнар чанының болгаш сумуже кирер оруктуң аксында субурганның девискээрлерин демнии-биле аштап арыглаан.

Суму чагыргазының удуртулгазы чаңгыс чер-чурттугларын бажыңнар чанын, хөй-ниити девискээрлерин арыг-шеверге тударынче кыйгырган.

#Бии_хемкожуун #Бүгү_российжисубботник #ТМГМедээлер #Тыва #Тывамедээ #Тывадыл #Тывамедиагрупп #Тува