Тыва Республиканың Спорт яамызы, Аът федерациязы, Чөөн-Хемчик кожуун чагыргазы, деткикчилер 2023 чылда чүгүрүк малдарның 30 дугаар байырлыг чарыш чылын ажыдары-биле, тыва национал оюннар маргылдааларын (хүреш, аът чарыжы, баг адарын) шеригжилерге, эки турачыларга, тускай шериг операциязынын дайынчыларынга деткимче кылдыр апрель 28-29 хүннеринде 400 хире киржикчилер база 10 муң хире көрүкчүлерниң киржилгези-биле эрттирер.
Маргылдаага киржир малдарның база мунукчуларның бүрүткели апрель 28-те 9.00 шактан 16.00 шакка чедер. Эгелээри 2023 чылдың апрель 29-та 9.00 шак.
Аът чарыжының көрдүнген чуруму-биле алырга, 5 аңгы салыглыг:
1. 10 км херии черге челер, чыраалаар аныяк малдар чарыжы.
2. 4 хардан өрү назылыг чыраа малдарның 15 км херии черге чарыжы.
3. 4 хардан өрү назылыг челер малдарның 15 км херии черге чарыжы.
4. 4 хире харлыг малдарның 15 км херии черге кара-маң чарыжы.
5. 4 хардан өрү назылыг малдарның 30 км херии черге кара-маң чарыжы.
1 дугаар чер дээш кол шаңнал – автомашина, 2-ги чер – 150 муң акша, 3-кү чер –100 муң акша, 4-кү чер – 80 муң акша, 5-ки чер – 50 муң акша.
Үндезин тыва ча адарынга (Баг адар хевири). Бүрүткели 2023 чылдың апрель 28-те 9.00 шактан 16.00 шакка чедир.
Шаңналдары: 1дугаар черниң – 30 муң акша, 2-ги черге – 20 муң акша, 3-кү черниң – 15 муң акша. 4 дугаар – 10 муң акша. 5 дугаар – 5 муң акша.
Тулган тиилекчи дээш шыырак мөгелер аразынга тыва хүреш маргылдаазы. Мөгелерниң бүрүткели 2023 чылдың апрель 28-те 9.00 шактан 16.00 шакка чедир.
Эгелээри 2023 чылдың апрель 29-та 13.00 шакта, Чадаана хоорайның стадионунга.
Шаңналдары: шүүлген мөгеге – автомашина, үжүүрлешкен мөге – 100 муң акша. 3-4-кү черлерге – 50 муң акша. 5-8 черлерниң – 25 муң акшалар.